د ایران اسلامی جمهوریت به د مقاومت ملاتړ ته هماغه شان دوام و رکړي
ایکنانیوز راپور راکوي، د ایران منتخب ولسمشر ډاکټر مسعود پزشکیان د لبنان د حزب الله ولسی غورځنګ عمومی منشي ته د مبارکۍ د پیغام په ځواب کې په ستاینې سره ټينګار وکړ، د ایران اسلامی جمهوریت تل د صهیونیستي ناروا رژیم په مقابل کې په سیمې کې د ولسی مقاومت همیشنی پشتیبان او ملاتړی دی.
پزشکیان په دغه پیغام کې ووئيل، له مقاومت څخه ملاتړ د ایران د اسلامی جمهوریت په اصولي سیاستونو ، دحضرت امام خمینی په آرمانونو او د اسلامي انقلاب د معظم لارښود په لارښونو کې ریښه لري او دا به په قدرت سره دوام ومومي.
هغه په دغه پیغام کې زیاته کړې ده ، ډاډ ولرئ په سمې کې به مقاومتي غورځنګونه اجازت ورنکړي چې وحشي صهیونیسټي رژيم د فلسطین دمظلوم ولس او د سیمې دنورو ملتونو په ضد خپلو جنایتکارو او جنګ غواړو سیاستونو ته دوام ورکړي.
د لبنان د حزب الله ولسی غورځنګ عمومی منشي دتیرې شنبې په ورځې د ایران نوي منتخب ولسمشر مسعود پزشکیان ته د مبارکۍ په پیغام کې وئيلي وو، حزب ا... او نور مقاومتي غورځنګونه دا یران اسلامی جمهوریت د مقاومت او مستضعفینو یو پیاوړی او همیشنی پشتیبان ګڼي.
